Zjalejka (russisk жалейка eller брёлка) er eit russisk treblåseinstrument. Det er eit enkelt blåseinstrument av røyrbladtype, sett saman av eit trerøyr og ein tut. Det har gjennomtrengande og nasale tonar, og blir mykje brukt i russisk, kviterussik og ein del i ukrainsk folkemusikk.
Røyret til ein zjalejka er rundt 10–20 cm langt og kan ha 3 til 7 fingerhol. Munnstykket kan vera av siv eller gåsefjør. Zjalejkaen har ofte tut av eit anna materiale enn tre, som kuhorn, i ein hornpipekonstruksjon. Det kan også ha tut av bjørkenever, eller vera heilt av tre. Det finst ein dobbel variant med to røyr og ein tut som er mest utbreidd sør i Russland.
Sjå òg Erkencho Sjofar
Kjelder
Denne artikkelen bygger på «Zjalejka» frå , den 21. august 2020.
Denne artikkelen bygger på «Zhaleika» frå , den 2. februar 2021.
Bakgrunnsstoff
Kategori:Russisk folkemusikk Kategori:Folkemusikkinstrument Kategori:Treblåseinstrument Kategori:Russiske musikkinstrument