Kristian Davidsson Edland () var ein norsk gardbrukar og politikar frå Mosterøy i Rogaland. Han var ordførar i Mosterøy 1925-31 og stortingsmann 1934-45 for Venstre.
Edland var son til ein gardbrukar. Han var 1890/91 elev på amtsskulen i Ryfylke. Sidan arbeidde han på gard til han sjølv vart gardbrukar. Attåt var han aktiv ferdatalar for misjons- og fråhaldssaka. Han var såleis styremedlem i Ryfylke og Jærens Fellesforening av Indremisjonen, og dessutan formann i Stavanger og Ryfylke fylkesstyre av Det Norske Totalavholdsselskap.
Edland var medlem i heradsstyret for Mosterøy frå 1919 til 1931, varaordførar 1919-22 og ordførar 1925-31. Elles var han i si tid formann i skulestyret og 1929-34 i forliksrådet. Hausten 1933 stod han på andreplassen på Venstre si stortingsvalliste og lukkast få det siste Rogalands-mandatet. Tingbolken 1934-36 var han medlem i Kommunalkomiteen, etter attval sat han 1937-45 i Administrasjonskomiteen.
Kjelder
Kategori:Stortingsrepresentantar for Rogaland Kategori:Stortingsrepresentantar frå Venstre Kategori:Stortingsrepresentantar 1934-1936 Kategori:Stortingsrepresentantar 1937-1945 Kategori:Ordførarar i Mosterøy Kategori:Venstreordførarar i Rogaland Kategori:Folk frå Rennesøy